Tēna kōe Vicky mō te hoki mai ki waenganui i a mātau. Ki a koe Kerianna, ngā mihi nui mō tō tae mai ki te tautoko ia Vicky, ki te whakahoahoa hoki i o mōhiotanga mō ngā mahi pae tukutuku nei. Ko te tino mahi i te rā nei, he whakarākei i o mātou pae tukutuku, he tutu haere hoki i tōku pae tukutuku.
He aha aku akoranga hei āwhina i taku mārama atu ki te ariā ako me te kaupapa o Manaiakalani? Ko ngā pae tukutuku tētahi rauemi, te mea nui e tautoko ana i te āhuatanga whakamana i te ako, hanga, tohatoha. Kei te tino mārama ki te hiahia a Manaiakalani, te kura nei hoki, kia whai ngā tamariki i ngā rauemi, ngā akoranga hei pai tōna ao.
He aha aku akoranga hei whakawhanake i te ngaiotanga, i taku māia, i taku kakama, i te rere rānei a te mahi? He pai ki te tiro haere ki ngā pae tukutuku katoa nā ngā kaimahi o ia akomanga. Ko te take nui e rongo ana mai i ngā kaiako katoa, he poto te wā, kei te pou haere te wā ia mātou mō ngā mahi nei. Ki au nei, ko te mea tino nui, me maumahara ki te whakarite pai i ngā mahi katoa.
He aha aku akoranga kia tukua, kia tohaina atu ki āku ākonga? Ko tāku i tino rongo i te rā nei, kia māmā te tae atu ki ngā mahi, kia toru noa iho ngā pāwhiri.
He aha aku akoranga hei whakawhanake i taku māia, i taku kakama, i te rere rānei a te mahi ki taku ao whaiaro? Kia kaha ki te whakamatau i ngā mahi nei!
No comments:
Post a Comment